जीतपुरसिमरामा हामी ‘गुन्द्रक’ जस्तै भयौ : वडा अध्यक्ष ठकुरी (कुराकानीसहित)

ए वान डेस्क /

वडा नम्बर २१

अध्यक्ष, कृष्ण ठकुरी

जनप्रतिनिधि भएपछिको दिन कसरी बित्दैछ ?

जनप्रतिनिधि भएपछि शुरुमा हामी रफ्तामा थियौ । अहिले चाही काम शुरु गर्ने सवालमा केही समस्या भएका छ । कमी कमजोरी त हुन्छ नै तर के नमिलेको के नमिलेको जस्तो भईरहेको छ ।

वडाको गतिविधि के छ ?

दैनिक जनताको काम कुनैपनि रोकिएको छैन् । काम भईरहेको छ । अनि त्यसबाहेक ठुला योजनालाई गति दिन हामी गृहकार्य गरिरहेका छौ ।

१०० दिनको तपाई कसरी समिक्षा गर्नुहुन्छ ?

१०० दिनको बिचमा जनताको काम नभएको होईन् । जनताको काम भईरहेको छ । तर कही कतै जति गर्नुपर्ने हो त्यहि चाही नभएको जस्तो मैले महशुस गरेको छु । मैले पहिलेदेखि नै भन्दै आएको छु, यस क्षेत्रको सम्भावना पहिचान गर्नुपर्यो भनेर । हामी कहा बिज्ञताको पनि खाचो छ जस्तो मलाई लाग्छ । जनताले समृद्ध बनाउनुपर्यो भन्छन् तर हामी भने गुन्द्रुक जस्तो भयौ । कुन ठाउलाई के को हब बनाउने त्यसबारे बेलैमा ध्यान दिन आवश्यक छ । यसबिषयमा हामीले कहिलेपनि बहस गरेनौ ।

अबको चार बर्षमा यो वडालाई कस्तो बनाउने सोच बनाउनुभएको छ ?

यो वडामा ठुलो समस्याको रुपमा रहेको भनेको लालपुर्जा हो । हुन त यहामात्र हैन् यो जीतपुरसिमराका धेरै ठाउमा यस्तो समस्या छ । मेरो पहिलो प्राथमिक्ता भनेको वासको व्यस्थापन गर्नुनै हो । त्यो भनेको सकुम्वासी समस्या समाधान गर्नेहो  । यहा वासको ग्यारेन्टि गर्नुपर्ने छ । यो बिषयमा हामी अहिलेसम्म पनि कार्यपालिकाको बैठकमा प्रवेश गर्न सकेका छैनौ । नगरपाकिलाका मेयर, उप–मेयर र नगर प्रमुख जस्ता व्यक्तिले कुन क्षेत्रमा कस्तो समस्या अनि सम्भावना छ त्यो पहिचान गरेर मात्र काम गर्नुपर्छ । यस्तै अवस्था रहे समृद्ध हैन् जीतपुरसिमराको अवस्था खस्किन्छ ।

वडा नम्बर २१ मा नगरपरिषदबाट कुन कुन योजना परेका छन् ?

वडा नम्बर २१ मा शार्वजनीक सौचालय, कृषि, २ वटा वडालाई जोड्ने झोलुंगे पुल लगायत केही परेका छन् । तर मैले भन्न खोजेको के भने यस क्षेत्रमा अझैपनि नगर स्तरीय योजना आउनुपर्छ । हामीले नगरपालिकाको स्वाद चाख्न पाएका छैनौ । नगरपालिकाले यस क्षेत्रको मुहार फेर्न विशेष ध्यान दिनुपर्ने मैले देखेको छु ।

यो क्षेत्र पर्यटकीय सम्भावना बोकेको क्षेत्र पनि हो, त्यसबारे तपाईले कस्तो सोच बनाउनुभएको छ ?

पक्कैपनि यो क्षेत्र पर्यटकीय दृष्टिकोणले प्रचुर सम्भावना बोकेको क्षेत्र हो । पर्यटक आकर्षित गर्ने कार्यक्रम सञ्चालन गर्नुपर्ने मैले देखेको छु । हामीले वडाबाट नगर स्तरीय योजनामा पार्न खोजेका थियौ, तर त्यो हुन सकेन् । यहा होमस्टे सञ्चालन गरेर पर्यटकीय गन्तब्यको केन्द्र बनाउनुपर्ने देखिन्छ । त्यसको लागी यहाका जनतालाईपनि पर्यटन भनेको के हो भन्ने कुराको जानकारी गराउनुपर्ने हुन्छ । हामीले यसको लागी बिभिन्न संघ–संस्थासंग छलफल गरिरहेका छौ । अनि यसको लागी सम्बन्धित निकायले पनि चासो दिनुपर्ने देखिन्छ ।

अन्त्यमा ए वान समाचारमार्फत के भन्न चाहनुहुन्छ ?

अन्त्यमा म २१ नम्बर वडाका सम्पुर्ण जनतालाई विकास निमार्णको कार्यमा सहयोग गर्न आग्रह गर्न चाहन्छु । विकास निमार्णको काममा उहाहरुले पनि चासो दिनुभएको तर मैले पटक पटक भएको आएको कुरा के हो भने हामीले तत्कालै रिजल्ट दिन सक्दैनौ । उहाहरु पनि यो ठाउलाई बदल्नुपर्छ भनेर लाग्नुभएको, यो निकै खुशिको कुरा हो । हामी सबैजना पुराको संरचनालाई ध्वस्त पारेर नया तरीकाले विकास गर्देछौ । हामी त्यही अनुसार लागेका छौ । ढिलो चाडो हामी विकास गरेर देखाउछौ । पेटमा पटुकी बाधेर भएपनि हामी विकास निमार्णको काममा लागीपर्ने छौ ।